КМОТ БАРОИ МАЪМУРОНИ СОҲАИ ВАРЗИШ ДАР ГУЛИСТОН КУРСИ БОЗОМӮЗӢ ДОИР КАРД

22-24 сентябр бо иқдоми Кумитаи миллии олимпии Тоҷикистон курси бозомӯзии ҳамбастагии олимпӣ барои маъмурони соҳаи варзиш дар шаҳри Гулистон доир гашт.

Дар курси бозомӯзӣ кормандони мактабҳои варзишӣ ва мураббиён ширкат карданд.

Давоми се рӯз ба иштирокчиён мутахассисони Кумитаи миллии олимпӣ дар доираи барномаи Ҳамбастагии олимпӣ барои маъмурони варзиш дар мавзӯъҳои гуногуни ҳаракати олимпӣ маърӯза хонданд.

Ҳамчунин собиқадори соҳаи варзиш Кутфиддинов Мирзомуҳиддин дар машғулиятҳо иштирок карда, бо шунавандагон доир ба фаъолияти касбӣ суҳбати самимӣ намуд.

Дар ҷамъбаст котиби генералии Кумитаи миллии олимпии Тоҷикистон Абдуллозода Муҳаммадшо аз баргузории курс натиҷагирӣ карда, ба иштирокчиён сертификати Кумитаи байналмилалии олимпӣ супорид.

• ←
• →