МУНТАХАБИ НАВРАСОНИ ТОҶИКИСТОН (U-16) ДАР МУСОБИҚАИ РУШДИ УЕФА ҶОЙИ ДУЮМРО ГИРИФТ

Дар Скопйеи Македонияи Шимолӣ мусобиқаи байналмилалии рушди УЕФА ба анҷом расид, ки дар он мунтахаби Тоҷикистон (U-16) таҳти роҳбарии Зайниддин Раҳимов мақоми дуюмро сазовор шуд.

Дар мусобиқа наврасони Тоҷикистон се бозӣ анҷом доданд. Дастпарварони Зайниддин Раҳимов ҳамсолони худро аз Ҳондурас (3:1) шикаст дода, аз тимҳои Македонияи Шимолӣ (вақти асосӣ – 3:3, дар пеналтӣ – 4:5) ва Косово (вақти асосӣ – 0:0, аз рӯи пеналтӣ – 3:4) мағлуб шуданд.

Дар натиҷа мунтахаби наврасони Тоҷикистон (U-16) панҷ хол ба даст овард. Ғолиби мусобиқа дастаи Косово (6 хол) гардид. Зинаи сеюми ифтихориро мунтахаби Македонияи Шимолӣ (4 хол) соҳиб шуд.

Мусобиқаи байналмилалии рушди УЕФА байни дастаҳои наврасон (U-16)

Даври 1
Македонияи Шимолӣ – ТОҶИКИСТОН – 3:3. Аз рӯи пеналтӣ – 5:4
Голҳои Тоҷикистон: Билол Бобоев (2), Масрур Ғафуров.

Косово – Ҳондурас – 2:0

Даври 2
Ҳондурас – ТОҶИКИСТОН – 1:3
Голҳои Тоҷикистон: Абубакр Сулаймонов, Билол Бобоев, Масрур Ғафуров.

Македонияи Шимолӣ – Косово – 1:1. Аз рӯи пеналтӣ – 4:3

Даври 3
ТОҶИКИСТОН – Косово – 0:0. Аз рӯи пеналтӣ – 3:4

Македонияи Шимолӣ – Ҳондурас – 0:1

• ←
• →