ДАР ДУШАНБЕ ЧЕМПИОНАТИ CAFA МИЁНИ НАВРАСОН БАРГУЗОР МЕШАВАД

Тоҷикистон боз як мусобиқаи байналмилалӣ оид ба футболро мизбонӣ мекунад.

Аз 17 то 24 ноябр дар шаҳри Душанбе Чемпионати Ассотсиатсияи футболи Осиёи Марказӣ (CAFA) миёни наврасони то 15-сола доир мешавад. Чор даста барои ба даст овардани унвони чемпионӣ талош хоҳанд кард.

Дар Чемпионати CAFA-2021 миёни наврасон (U-15) дар баробари тими Тоҷикистон, дастаҳои наврасони Эрон, Узбекистон ва Қирғизистон ширкат менамоянд. Тими мунтахаби Тоҷикистонро ба ин мусобиқа сармураббӣ Зайниддин Раҳимов омода мекунад.

Умуман, дар доираи чемпионат 6 бозӣ анҷом дода мешавад. Ҳамаи бозиҳо бо иштироки мухлисон дар Варзишгоҳи марказии ҷумҳуриявии шаҳри Душанбе доир мегарданд.

Тибқи низомнома Чемпионати CAFA-2021 миёни наврасон тибқи системаи даврӣ дар як давр баргузор ва ғолиб аз рӯи холҳои бадастоварда муайян мегардад.

Чемпионати CAFA-2021 миёни наврасон (U-15)

Иштирокчиён: ТОҶИКИСТОН, Эрон, Узбекистон, Қирғизистон.

1-ум давр
19 ноябр (ҷумъа)
12:00. Узбекистон – Эрон
15:00. ТОҶИКИСТОН – Қирғизистон

2-юм давр
21 ноябр (якшанбе)
12:00. Қирғизистон – Узбекистон
15:00. Эрон – ТОҶИКИСТОН

3-юм давр
23 ноябр (сешанбе)
12:00. Эрон – Қирғизистон
15:00. ТОҶИКИСТОН – Узбекистон

• ←
• →