КАМОНВАРОНИ МО ДАР ҶОМИ ТОМИРИС ШИРКАТ МЕКУНАНД

26.10.2021

: 601

Рӯзҳои 27-29 октябр дар шаҳри Самарқанди Ҷумҳурии Ӯзбекистон нахустин мусобиқаи байналмилалӣ оид ба камонварӣ миёни занон - «Ҷоми Томирис» баргузор мешавад.

Дар ин мусобиқа ба ҷуз варзишгарони мизбон, беш аз 50 варзишгар аз ҷумҳуриҳои Гурҷистон, Қазоқистон, Қирғизистон, Русия, Тоҷикистон ва Украина ширкат хоҳанд кард.

Аз ҷумҳурии мо 3 варзишгар: Фирӯза Зубайдова, Заронаи Фирӯз ва Мавзуна Азимова бо роҳбарии мураббӣ Марям Кантаева ба Самарқанд сафабар гардиданд.

Мусобиқа дар масофаи 70 метр – даври олимпӣ – ба таври инфиродӣ ва даставӣ сурат мегирад.