Тими мунтахаби Тоҷикистон оид ба гуштин дар Бозиҳои Осиё-2018

Дастаи мунтахаби Тоҷикистон оид ба гуштин (тарзи озод ва юнонӣ-римӣ) дар 18-ум Бозиҳои Осиё, ки аз 18 август то 2 сентябри соли равон дар шаҳрҳои Ҷакарта ва Палембанги Индонезия баргузор мегардад, дар ҳайати 10 нафар ширкат мекунад.

Мусобиқа оид ба гуштин 19-22 август дар шаҳри Ҷакарта аз рӯи 12 категорияи вазнӣ миёни мардон ва 6 категорияи вазнӣ миёни занон баргузор мешавад. Варзишгарони мо дар 9 вазн миёни мардон ширкат мекунанд.
Кумитаи миллии олимпии Тоҷикистон қаблан Шуморо бо дастаҳои мунтахаби бонувони Тоҷикистон оид ба футбол, варзиши сабук, кураш, самбо, шиноварӣ ва таеквондо шинос кард. Инак, варзишгарони зерин дар мусобиқа оид ба гуштин иштирок мекунанд:

Воҳидов Ҳикматулло, 57кг, тарзи озод
Файзиев Абдулқосим, 65кг, тарзи озод
Ҷалилов Гамид, 74кг, тарзи озод
Қодиров Баҳодур, 86кг, тарзи озод
Искандари Рустам, 97кг, тарзи озод
Анақулов Фарҳод, 125кг, тарзи озод
Ахмедов Мубинҷон, 67кг, юнонӣ-римӣ
Ҳасанов Бахтовар, 77кг, юнонӣ-римӣ
Азизов Суҳроҷ, 130кг, юнонӣ-римӣ

Варзишгаронро мураббиён Олимов Абдурозиқ ва Баҳромов Шодӣ ҳамроҳӣ мекунанд.

Варзишгарони Тоҷикистон дар Бозиҳои Осиё дар намуди гуштин 5 медал (3 нуқра, 2 биринҷӣ) ба даст овардаанд. Медалҳои нуқра ба Лидия Карамчакова (вазни 48 кг, тарзи озод, Бусан-2002), Юсуф Абдусаломов (вазни 74 кг, тарзи озод, Бусан-2002), Зелимхон Юсуфов (вазни 65 кг, тарзи озод, Инчон-2014), медалҳои биринҷӣ бошад, ба Шамил Алиев (вазни 84 кг, тарзи озод, Бусан-2002) ва Муродҷон Тӯйчиев (вазни 120 кг, юнонӣ-римӣ, Гуанжоу-2010) тааллуқ доранд.

• ←
• →