Бозиҳои Осиё-2018: 4 шиновар Тоҷикистонро муаррифӣ мекунанд

Дастаи мунтахаби Тоҷикистон оид ба шиноварӣ ҷиҳати иштирок дар 18-ум Бозиҳои Осиё, ки аз 18 август то 2 сентябри соли равон дар шаҳрҳои Ҷакарта ва Палембанги Индонезия баргузор мегардад, муайян гардид.

Мусобиқа оид ба шиноварӣ 19-24 август дар шаҳри Ҷакарта аз рӯи 21 қувваозмоӣ миёни мардону занон баргузор мешавад. Варзишгарони мо дар 5 қувваозмоӣ миёни мардону занон ширкат мекунанд.
Кумитаи миллии олимпии Тоҷикистон қаблан Шуморо бо дастаҳои мунтахаби бонувони Тоҷикистон оид ба футбол, варзиши сабук, кураш ва самбо шинос кард. Инак, варзишгарони зерин дар мусобиқаи шиноварӣ иштирок мекунанд:

Климик Карина (100 м. Breaststroke, 50 м. Butterfly, 50 м. Breaststroke, 50 м. Freestyle);
Тюрина Анастасия (50 м. Butterfly, 100 м. Freestyle, 50 м. Freestyle);    
Хайруллоев Алиҷон (50 м. Freestyle, 100 м. Freestyle, 50 м. Butterfly);    
Ишанов Олимҷон (50 м. Butterfly, 100 м. Freestyle).

Варзишгаронро сармураббӣ Алишер Чингизов ҳамроҳӣ мекунад.

• ←
• →