ЧЕМПИОНАТИ CAFA-2021: ТОҶИКИСТОН ҶОИ ДУЮМРО ГИРИФТ

Мунтахаби наврасони Тоҷикистон дар Чемпионати Ассотсиатсияи футболи Осиёи Марказӣ (CAFA) миёни наврасони то 15-сола, ки аз 17 то 23 ноябр дар Душанбе баргузор шуд, сазовори медали нуқра шуд.

Дар даври сеюми чемпионати шогирдони Зайниддин Раҳимов бар ҳамсолонашон аз Узбекистон бо ҳисоби 1:0 ғалаба карданд. Голи ягонаро Масрур Ғафуров дар дақиқаи 58 зад.

Дар бозии дигар тими наврасони Эрон бар тими Қирғизистон пирӯз шуд – 8:0.

Ҳамин тариқ, дастаҳои Эрон ва Тоҷикистон 7-холӣ ба даст оварданд, вале аз рӯи таносуби тӯбҳо Эрон ҷои якум ва Тоҷикистон ҷои дуюмро сазовор шуданд. Ҷои сеюм насиби тими наврасони Узбекистон гардид.

Чемпионати CAFA-2021 миёни мунтахабҳои наврасон (U-15)

1-ум давр

ТОҶИКИСТОН – Қирғизистон – 5:0
Голҳо: Абубакр Сулаймонов, 5 (1:0). Абубакр Сулаймонов, 11 (2:0). Амирхон Ҷалолов, 47 – аз пеналтӣ (3:0). Азиз Зарифӣ, 70 (4:0). Билол Бобоев, 78 (5:0).

Узбекистон – Эрон – 2:3

2-юм давр

Эрон – ТОҶИКИСТОН – 1:1
Голҳо: Алӣ Раҳмоннажод, 7 (1:0). Абубакр Сулаймонов, 17 – аз пеналтӣ (1:1).

Қирғизистон – Узбекистон – 2:2

3-юм давр

ТОҶИКИСТОН – Узбекистон – 1:0
Гол: Масрур Ғафуров, 58.

Эрон – Қирғизистон – 8:0

		Б	Ғ	М	Б	Т-Т	Х
1	Эрон	3	2	1	0	12-3	7
2	ТОҶИКИСТОН	3	2	1	0	7-1	7
3	Узбекистон	3	0	1	2	4-6	1
4	Қирғизистон	3	0	1	2	2-15	1

Кумитаи тадорукот дар ҷамъбаст беҳтаринҳоро муайян карданд. Исмоил Ғолизода Сомион (Эрон) беҳтарин бозингар, Абубакр Сулаймонов (Тоҷикистон) беҳтарин нишонзан дониста шуданд.

• ←
• →