Ҷавонони кишвар бо ҳамсолонашон аз Гурҷистон мусовӣ бозӣ карданд

13.02.2020

: 1154

Бозии санҷишӣ миёни дастаҳои мунтахаби ҷавонони Тоҷикистон ва Гурҷистон (U-19) оид ба футбол мусовӣ анҷом ёфт – 0:0.

Ин аввалин бозии санҷишии дастаи мунтахаби ҷавонони кишвар дар доираи ҷамъомади машқӣ-таълимӣ дар Анталияи Туркия мебошад.
Дар Анталия тими ҷавонони мо боз се бозии дигари санҷишӣ доир менамояд. Ҳарифони навбатии футболбозони мо баъдтар муайян мегарданд.
Ҷамъомади машқӣ-таълимӣ дар Туркия барои тими ҷавонони кишвар як марҳилаи омодагӣ ба Чемпионати Осиё-2020 маҳсуб меёбад, ки 14-31 октябр дар Узбекистон баргузор мешавад.