Ахбор
Мунтахаби ҷавонони Тоҷикистон ба Чемпионати Осиё-2020 роҳхат гирифт
07.10.2019
: 877
Дастаи мунтахаби ҷавонони Тоҷикистон (U-19) дар марҳилаи интихобии Чемпионати Осиё-2020 дар гурӯҳи “С” се ғалаба ба даст овард ва ба марҳилаи финалӣ роҳхат гирифт.
Шогирдони Зайниддин Раҳимов шоми 6 октябр дар даври ниҳоӣ бар тими ҷавонони Сурия бо ҳисоби 1:0 пирӯз шуданд. Голи ягонаро дар дақиқаи 23-юми дидор Шаҳром Самиев зад.
Мунтахаби ҷавонони мо дар ду даври қаблӣ бар дастаҳои Малдив (9:0) ва Лубнон (1:0) ғалаба карда буд.
Ҳамин тариқ, бо ба даст овардани 9 хол аз 9 холи имконпазир мунтахаби ҷавонони Тоҷикистон дар гурӯҳи “С” ҷои аввалро ишғол карда, ба марҳилаи финалии Чемпионати Осиё-2020, ки соли ояндар дар Ҷумҳурии Узбекистон баргузор мешавад, роҳхат гирифт.
14 дастаи иштирокчии дигари марҳилаи финалии Чемпионати Осиё-2020 10 ноябр, пас аз анҷоми марҳилаи интихобӣ дар 10 гурӯҳи боқимонда, маълум мегарданд.
| Б | Ғ | М | Б | Т/Т | Х | ||
| 1 | ТОҶИКИСТОН | 3 | 3 | 0 | 0 | 11-0 | 9 |
| 2 | Лубнон | 3 | 1 | 1 | 1 | 3-2 | 4 |
| 3 | Сурия | 3 | 1 | 1 | 1 | 4-4 | 4 |
| 4 | Малдив | 3 | 0 | 0 | 3 | 2-14 | 0 |