Ахбор
Мунтахаби Тоҷикистон дар финали Ҷоми байниминтақавӣ-2019
16.07.2019
: 1250
Дастаи мунтахаби Тоҷикистон таҳти роҳбарии сармураббӣ Усмон Тошев ҳарчанд бозии ниҳоияшро дар даври гурӯҳии мусобиқаи байналмилалии “Ҷоми байниминтақавӣ-2019” дар Аҳмадобод бо дастаи Кореяи Шимолӣ бо ҳисоби 0:1 бохт, вале бо 6 хол ба финали мусобиқа роҳ ёфт.
Ҳарифи тими миллии Тоҷикистон дар финал имрӯз – 16 июл – пас аз бозии Ҳиндустон-Сурия муайян мегардад. Дар сурати пирӯзии Сурия бар Ҳиндустон мунтахаби кишвари мо дар финали Ҷоми байниминтақавӣ бо Сурия вомехурад. Аммо агар бозии имрӯза бо бохти Сурия ё мусовӣ анҷом ёбад, пас ҳарифи Тоҷикистон дар финал тими Кореяи Шимолӣ хоҳад буд.
Ёдовар мешавем, ки қаблан дар даври гурӯҳии мусобиқаи байналмилалии «Hero Interсontinental Cup 2019» дар Аҳмадобод тими миллии Тоҷикистон бар дастаҳои мунтахаби Ҳиндустон (4:2) ва Сурия (2:0) ғалаба карда буд.
| ДАСТАҲО | Б | Ғ | М | Б | Т/Т | Х | |
| 1 | Тоҷикистон | 3 | 2 | 0 | 1 | 6-3 | 6 |
| 2 | ҶХД Корея | 3 | 2 | 0 | 1 | 8-7 | 6 |
| 3 | Сурия | 2 | 1 | 0 | 1 | 5-4 | 3 |
| 4 | Ҳиндустон | 2 | 0 | 0 | 2 | 4-9 | 0 |