Схемаи рангҳо: C C C C
Андозаи ҳуруф: A A A
Сурат:
  • Тоҷикистон, ш. Душанбе, кӯчаи С. Айнӣ 24
  • +992 (37) 221-64-67
  • noc@olympic.tj
d;rojgopdfkg'[o1adpkfp[osKF

Ахбор

Мунтахаби олимпии Тоҷикистон дар мусобиқаи “Чор миллат” ширкат мекунад

24.12.2018

: 380

Мунтахаби олимпии Тоҷикистон (U-23) бо роҳбарии мутахассиси 53-солаи узбекистонӣ Усмон Тошев дар мусобиқаи “Чор миллат”, ки 15-23 январи соли оянда дар Доҳа баргузор мешавад, ширкат мекунад.

Дар мусобиқа мунтахабҳои олимпии Тоҷикистон, Қатар, Эрон ва Кувайт иштирок менамоянд. Футболбозони мо якум бозиашонро муқобили Эрон 15 январ доир мекунанд, 18 январ дар даври дуюм бо Қатар ва 21 январ дар даври охир бо Кувайт вомехӯранд.
Ҳамаи бозиҳо дар варзишгоҳҳои Академияи «Aspire»-и Доҳа баргузор мешаванд.
Иштирок дар мусобиқаи байналмилалӣ дар Қатар як марҳилаи омодагии тими олимпии Тоҷикистон (U-23) ба марҳилаи интихобии чемпионати Осиё-2020 ба ҳисоб меравад. Дар марҳилаи интихобӣ, ки 22-26 марти соли 2019 дар Тошканд ба нақша гирифта шудааст, тими мунтахаби мо дар гурӯҳи “F” бо дастаҳои олимпии Ҳиндустон (22 март), Покистон (24 март) ва Узбекистон (26 март) вомехурад.
Дар натиҷаи марҳилаи интихобӣ ғолибони 11 гурӯҳ, ҳамчунин 4 дастаи беҳтарини гурӯҳҳо ба марҳилаи финалии чемпионати Осиё, ки 8-26 январи соли 2020 дар Тайланд доир мегардад, роҳхат мегиранд. Агар мизбони марҳилаи финалӣ - дастаи мунтахаби Тайланд дар гурӯҳ ҷои аввалро ишғол кунад ё дар қатори 4 дастаи беҳтарини ҷои дуюми гурӯҳҳо қарор гирад, пас дастаи панҷуми ҷои дуюми гурӯҳҳо, ки натиҷаи беҳтар дорад, соҳиби роҳхат ба марҳилаи финалӣ мегардад.
Барандагони медалҳои чемпионати Осиё-2020 ба Бозиҳои олимпии Токио-2020 роҳхат ба даст меоранд.

Мусобиқаи байналмилалии “Чор миллат” дар Доҳа миёни мунтахабҳои олимпӣ (U-23)

1-ум давр
15 январ (сешанбе)
19:30. Эрон – ТОҶИКИСТОН
21:30. Қатар – Кувайт

2-юм давр
18 январ (ҷумъа)
19:30. Эрон – Кувайт
21:30. Қатар – ТОҶИКИСТОН

3-юм давр
21 январ (душанбе)
19:30. ТОҶИКИСТОН – Кувайт
21:30. Қатар – Эрон

Эзоҳ: оғози бозиҳо бо вақти Душанбе.