Тантанаи Рӯзи олимпӣ дар Хатлон

Дар вилояти Хатлон Рӯзи олимпиро бо баргузории як қатор мусобиқаву чорабиниҳои оммавӣ-варзишӣ ҷашн гирифтанд.

Тавре аз Раёсати кор бо ҷавонон ва варзиши вилоят хабар доданд, тантанаҳои Рӯзи олимпӣ бо иҷрои машқҳои пагоҳирӯзӣ оғоз ёфт. Дар машқҳои пагоҳирӯзӣ 7800 нафар, аз ҷумла 2550 нафар бонувон аз ҳисоби дастпарварони мактабҳои варзишӣ, сокинон ва кормандони ташкилоту муассисаҳо иштирок намуданд.
Ҳамчунин, дар 25 шаҳру ноҳияи вилоят давоми рӯз беш аз 90 мусобиқаи оммавӣ-варзишӣ аз рӯи намудҳои баскетбол, дзюдо, гуштини тарзи озод, гуштини миллӣ, гуштини юнонӣ-римӣ, баскетбол, варзиши сабук, тӯби дастӣ, дучархасаворӣ, футбол, волейбол, таеквондо,  шоҳмот, шашка, тенниси рӯи миз ва ғайра доир мегарданд, ки дар ин чорабиниҳо иштироки беш аз 6200 нафар дар назар аст.

• ←
• →