Сохтмони майдончаи варзишӣ бомаром идома дорад

Тавре хабар дода будем, Кумитаи миллии олимпии Тоҷикистон дар маҳаллаи Шафақи шаҳри Душанбе, дар доираи маблағгузории Шӯрои олимпии Осиё, сохтмони майдончаи варзишӣ барои бозиҳои футбол, волейбол ва баскетболро аввали соли равон оғоз кард.

Тавре Иззатулло Суннатуллоев, директори ҶДММ “Муҳайё” – пудратчии сохтмони майдонча иттилоъ дод, то имрӯз 40 дарсади корҳо, аз ҷумла корҳои ҳамвор кардани замини майдонча, бетонрезии гирди майдонча, хобонидани ҷуйборҳои бетонӣ, насби панҷараҳои гирди майдонча ба анҷом расидааст.
Дар сохтмон 20 нафар коргарони маҳаллӣ ва 10 техникаи сохтмонӣ ҷалб шудаанд.
Дар атрофи майдонча тариқи ҳашар 300 ниҳоли дарахтони сояафкану мевадиҳанда ва 26 дарахти 10-солаи ороишӣ шинонида шудааст.

• ←
• →